-1
راجل دخل يتكونيكتا لأول مرة في الفايسبووك
.
كي جا داخل يدير في المو دو باس شاف نجوم ... حار عيط لمول سيبار باش يسولو
.
.
قالو راجل :
كل ما نكتب المو دو باس(كلمة السر) باش ندخل الفيس بوك يخرجولي نجوم نجوم
قالو ؛اشنو هادوك نجوم
مول السيبار:، قالو النجوم هادوك باش لوكان شي واحد واقف موراك مثلا ما يحاولش يعرف كلمة السر تاعك اللى تكتبو
.
..زاد شويا راجل و تقلق عاود عيطلو.....
.
قالو تتفلى علية يحساب ليك يلاه نازل من الجبل
.
.
مول سيبار قالو : علاش اخويا مالي اش درت ليك
.
قالو راجل : ها انت ماكاين حتا واحد مورايا دروكا وعاودو خرجولي النجوم .
ههه
-2
هاذو جوج معاكيز بغاو إشدو تاكسي كل واحد تيقول للأخر شير نتا بقاو هكاك حتى وصلات حداهم شيرو بجوج بعدات عليهم أ وقفات قالو ليها غير سيري تمة فين غاديين .
-3
احد جالس فالقهوة كاعي وطالع ليه الدم غير بوحدو وحاط كاس ديال أتاي قدامو
جا واحد صحيح وهز داك الكاس ديال أتاي وشربو
مول أتاي بدا يبكي..وهو يقوليه داك الصحيح : هادشي كامل على كاس ديال أتاي ؟؟
جاوبو وقاليه:أنا عارف هاد النهار من الأول ديالو معكس
فقت فالصبح لقيت الما مقطوع ومول الدار باغي فلوس الكرا..خرجت لقيت الطوموبيل
ديال الخدمة طارت..جراو عليا من الخدمة...حتى الكاس ديال أتاي اللي درت فيه السم
جيتي انتا وشربتيه
-4
راجل قال لمرتوا
اليوم نجربو الخمر يعني نسكرووو
مشا جاب الخمر أوريحو في الصالون
كب الراجل كاس ليه وكاس لمرتوا
ومن بعد ماشربوا سمعوا الباب يدقدق
قالت الزوجة : واقيلا راجلي جا
ناض راجلها نقز من البالكون
-5
واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه
